FC Barcelona ayaa ku dhawaaqday in Lamine Yamal uu heshiis cusub u saxiixay kooxda, isagoo sii joogi doona ilaa xagaaga 2026.
Yamal waa mid ka mid ah ciyaartoyda ugu xiisaha badan da’yarta, waxaana uu horumar weyn ka sameeyay kooxda koowaad dhamaadkii xilli ciyaareedkii hore.
Isagoo 16 jirsaday intii lagu jiray xagaaga, weeraryahanka da’da yar ayaa wacdaro dhigay xilli ciyaareedkan waxana uu mutaystay in uu heshiis cusub u saxiixo kooxda.
Kooxda Manchester City ayaa dooneysay inay Lamine Yamal la soo wareegto xagaagii hore, ka hor inta aysan kooxda reer Catalan si adag u diidin dalabkaas.
Kooxda ayaa haatan si Rasmi ah u xaqiijisay in uu xiddigu qalinka ku duugay heshiis cusub oo 3 sano ah.
Xiddiga ayaa saxiixay ilaa xagaaga 2026 iyada oo kooxdu heshiiskiisa ku xidhay lacag aad u badan oo lagu bur-burin karo heshiiskiisa.
Related