Xiddiga Chelsea Noni Madueke ayaa sheegay in uu dib ugu soo celinayo kooxda Levi Colwill xilli ay jiraan warar sheegaya in Liverpool ay xiiso u qabto da,yarkan.
Xiddigaha Madueke iyo Colwill ayaa England ka caawiyay inay ku guulaystaan U-21 Euro.
Colwill, oo xilli ciyaareedkii hore amaah ku joogay Brighton & Hove Albion, ayaa si weyn uga dhex muuqday difaaca saddexda libaax oo aan wax gool ah laga dhalin tartanka oo dhan.
Ciyaarta ka dib, Madueke ayaa u sheegay Colwill xilli uu qaab toos ah ugu jiray Instagram-kiisa.
“Waan soo laabaneynaa, waxa aan hubinayaa in uu isaguna (Colwill) soo laabto”.
Sida laga soo xigtay football.london, Liverpool ayaa sare u qaadaysa baacsiga Colwill, kaasoo lagu qiimeeyo 40 milyan euro.
Tababaraha cusub ee Chelsea Mauricio Pochettino, si kastaba ha ahaatee, wuxuu isha ku hayaa inuu Colwill ku sii hayo kooxda xilli ciyaareedka dambe.
Related