Nicolas Pepe ayaa ka hadlay waayihiisa Arsenal ka dib markii uu u saxiixay Trabzonspor horaantii bishaan. “Xilli ciyaareedkeygii ugu horreeyay ee Arsenal si wanaagsan ayuu u dhacay,” ayuu Pepe ku yiri wareysiga toddobaadkan.
“Waxaa laga yaabaa in xilli ciyaareedkii ugu horeeyay ay wax badan iga faa’iideysteen, waxa ay igu xujeeyeen maskax ahaan. Waxaan gaarnay guulo xilli ciyaareedkii ugu horeeyay, waxaana ku guuleysanay koobab”.
“Xilli ciyaareedkii labaad aad ayuu uga fiicnaa marka la eego la qabsiga xogta waxaan u ciyaaray si fiican laakiin xilli ciyaareedkii 3-aad ayaa igu adkaaday, Waa inaan ixtiraamo doorashada tababaraha xilli ciyaareedkan oo dhan”.
“Inaan ciyaarin waa xaalad adag aan u fiicnayn ciyaartay ahaan, xilli ciyaareedkii 4-aad amaah ayaa lagu diray si fiican ayaan u ciyaaray laakiin bartamihii xilli ciyaareedka dhaawacyo ayaa i soo gaadhay kadib wax walba way igu adkaadeen”.
“Kulan ma ciyaarin muddo afar bilood ah sababtoo ah dhaawac ka soo gaaray jilibka. Hal shay ayaa hubaal ah, waxaan diyaar u ahay inaan ciyaaro”.
28 jirkaan ayaa Gunners ugu soo biiray 2019 lacag rikoorka ah oo dhan 72 milyan Waxa uu u saftay 112 kulan, isagoo u dhaliyay 27 gool, isagoo caawiyey 21 kale.
Related