Xiddiga Lionel Messi ayaa ka hadlay sababta uu ugu biiray kooxda Inter Miami oo la xaqiijiyay in uu qaab xor ah ugu biirayo.
Messi oo sii weyn loo hadal hayay mustaqbalkiisa ayaa go’aansaday in uu ku biiro kooxda ka ciyaarta horyaalka sucuudiga.
Lionel Messi ayaa iska diiday kooxaha Al-Hilal iyo kooxdiisii hore ee Barcelona kuwaas oo si aad ah u doonayay saxiixa xiddiga.
Lionel Messi: “Waxaan ku biirayaa Inter Miami. Go’aanka 100% waa la xaqiijiyay”.
“Hadday arrin lacag ahaan lahayd, waxaan aadi lahaa Carabta ama meel kale, halkaas ayaan lacag badan ka heli lahaa”.
“Runtu waxay tahay in go’aankeyga kama dambaysta ahi uu ahaa in aado meesha aan doonayo laakiin lacag darteed uma aadi”.
“Waxa aan taageerayay Barcelona sanadka Wax badan ayaan la hadlay Xavi sheeko ayaan is waydaarsanay”.
“Runtii waxaan doonayay inaan ku laabto Barça, waan ku riyooday, laakiin wixii dhacay labo sano ka hor, ma aanan dooneynin inaan mar kale ku jiro xaalad la mid ah, in aan mustaqbalayga in aan qof kale kaga tago”.
“Waxaan rabay inaan qaato go’aan ii gaar ah, anigoo ka fikiraya aniga iyo qoyskayga”.
“Waxaan maqlay warar sheegaya in La Liga ay ogolaansho siiyeen Barcelona laakiin xaqiiqada ayaa ah in ay wax badan ay maqan yihiin si aan ugu laabto Barcelona”
“Ma hubo in Barça ay samaysay wax walba oo suurtogal ah si ay taasi u dhacdo, run ahaantii, waan ogahay waxa Xavi ii sheegay…”
“Waan hubaa in ay jiraan dad kooxda ku jira oo aan doonayn in aan ku laabto Barça, iyaga oo tixgelinaya xumaanta kooxda”.
“Waxaan jeclaan lahaa inaan ku dhawaado Barcelona, waxaan ku noolaan doonaa markale Barcelona, mar hore ayaa la go’aamiyay, waxaan rajeynayaa inaan caawiyo kooxda maalin uun, sababtoo ah waa kooxda aan jeclahay”.
“Waxaan rabaa inaan u mahadceliyo taageereyaasha Barça dhammaan taageeradooda. Haa, waxaan jeclaan lahaa inaan mar kale halkan joogo…”
“Waxa aan dalabyo ka helay kooxo kale oo yurub ah laakiin xitaa ma tixgalinayn soo jeedintaas sababtoo ah fikradayda kaliya ayaa ahayd in aan Barcelona oo kaliya uga ciyaara yurub”.
“Markii uu bur-buray heshiiska Barcelona waxaan doonayay inaan isku dayo wax kale waxana aan joogaa Miami”.
“Waxaan ku riyoonayay soo laabashada Barça, haa; laakiin marnaba ma hubin inay taasi dhacayso sababtoo ah waxaan si fiican u xusuustaa sheekadii dhacday August 2021, laba sano ka hor”.
“Ma aanan rabin inaan u sheego caruurteyda: waxaan ku laabaneynaa Barcelona! Ka dibna, waxba. Waan aamusay”.
Related