Kooxda Barcelona ayaa ka fal celisay ku biirista Lionel Messi ee kooxda Inter Miami.
Messi ayaa si weyn loola xidhiidhinayay kooxda Barcelona iyada oo kooxdu xitaa la kulantay wakiilada xiddiga.
Laakiin Messi ayaa iska indho-tiray kooxdiisii hore kuna biiray kooxda Inter Miami isaga oo xaqiijiyay in uu iska diiday ku laabashada Barcelona sabab kale duwan awgeed.
Kooxda Barcelona ayaa ku biirista Messi ee Inter Miami kaga fal celisay bayaan ay ku daabaacday Website-ka ay ku leedahay Internet-ka
“Isniintii, June 5, Jorge Messi, oo ah aabaha ciyaaryahanka iyo wakiilka, ayaa ku wargeliyay madaxweynaha kooxda Joan Laporta go’aanka ciyaaryahanka inuu ku biiro Inter Miami, inkasta oo ay Barcelona dalab u soo bandhigtay iyo waliba in uu xiddigu doonayay in uu mar kale xidho maaliyada Barcelona”.
“Madaxweyne Laporta ayaa fahmay oo ixtiraamay go’aankii Messi ee ahaa in uu doonayo in uu ku tartamo horyaal ay shuruudo ka yar yihiin, taas oo ka fog ishaarada iyo cadaadiska uu la kulmayay sanadihii ugu dambeeyay”.
Related